ജാർഖണ്ഡ് (സാഹിബ്ഗഞ്ച്): ഭാര്യയെ ഇലക്ട്രിക് കട്ടർ ഉപയോഗിച്ച് ശരീര ഭാഗങ്ങൾ അമ്പത് കഷണങ്ങളാക്കി ജില്ലയുടെ വിവിധ ഭാഗങ്ങളിൽ തള്ളിയ നിലയിൽ കണ്ടെത്തിയതിനെ തുടർന്ന് ഭർത്താവിനെ ഞായറാഴ്ച്ച അറസ്റ്റ് ചെയ്തതായി പോലീസ് പറഞ്ഞു.
ഡൽഹിയിലെ ശ്രദ്ധ വാക്കർ കൊലപാതകത്തിന് സമാനമായ കേസും നാട്ടുകാരെ ഞെട്ടിച്ചിരിക്കുകയാണ്.
ഇരയായ 22 കാരിയായ യുവതി 28 കാരനായ ദിൽദാർ അൻസാരിയുടെ രണ്ടാം ഭാര്യയാണെന്ന് ഉദ്യോഗസ്ഥർ പറഞ്ഞു.
ജില്ലയിലെ ബോറിയ പ്രദേശത്ത് നായ്ക്കൾ വലിച്ചിഴച്ച ഇരയുടെ ശരീരഭാഗങ്ങൾ പ്രദേശവാസികൾ കണ്ടതിനെതുടർന്ന് പോലീസിൽ വിവരം അറിയിക്കുകയായിരുന്നു.
ഇതുവരെ സ്ത്രീയുടെ ശരീരത്തിന്റെ 18 കഷണങ്ങൾ കണ്ടെടുക്കാനായതായി സാഹിബ്ഗഞ്ച് പോലീസ് സൂപ്രണ്ട് അനുരഞ്ജൻ കിസ്‌പോട്ട പറഞ്ഞു.
ഇനിയും അറസ്റ്റിലാകാനിരിക്കുന്ന കുടുംബാംഗങ്ങൾക്കൊപ്പമാണ് പ്രതികൾ കുറ്റകൃത്യം ചെയ്തതെന്ന് എസ്പി അറിയിച്ചു.
നേരത്തെ, ബോറിയോ പോലീസ് സ്റ്റേഷന്റെ ചുമതലയുള്ള ഓഫീസർ ജഗന്നാഥ് പാൻ പിടിഐയോട് പറഞ്ഞു, “പരിശോധനയിൽ, ബോറിയ ഏരിയയിലെ ഡോണ്ട പഹാർ സ്വദേശിനിയായ 22 കാരിയുടെ ശരീര ഭാഗങ്ങൾ കണ്ടെടുത്തെന്നും സംഭവത്തിൽ എല്ലാരും അമ്പരന്നിരിക്കുകയാണെന്നും.
കൊല്ലപ്പെട്ടയാളുടെ ശരീരഭാഗങ്ങളിൽ ചിലത് ജില്ലയിലെ ഉപേക്ഷിക്കപ്പെട്ട വീട്ടിൽ നിന്ന് കണ്ടെത്തിയതായി സബ് ഡിവിഷണൽ പോലീസ് ഓഫീസർ (സാഹിബ്ഗഞ്ച്) രാജേന്ദ്ര കുമാർ ദുബെ പറഞ്ഞു.
പ്രാഥമിക അന്വേഷണത്തിന് ശേഷം കൊലപാതകവുമായി ബന്ധപ്പെട്ട് അൻസാരിയെ അറസ്റ്റ് ചെയ്തതായി കൂടുതൽ വിവരങ്ങൾ വെളിപ്പെടുത്താതെ ദുബെ പറഞ്ഞു.
മുതിർന്ന പോലീസ് ഉദ്യോഗസ്ഥർ സംഭവത്തെ കുറിച്ച് അന്വേഷിക്കുന്നുണ്ടെന്ന് എസ്ഡിപിഒ അറിയിച്ചു.
