ആലപ്പുഴ: പതിനാലുകാരിയായ പട്ടികജാതി പെൺകുട്ടിയെ ലൈംഗികമായി പീഡിപ്പിച്ചെന്ന പരാതിയിൽ ആലപ്പുഴ ചേർത്തലയിലെ സിപിഐ പ്രാദേശിക നേതാവിനെ പൊലീസ് അറസ്റ്റ് ചെയ്തു. ചേർത്തല സൗത്ത് യൂണിറ്റ് കമ്മിറ്റി അംഗവും കുറുപ്പാംകുളങ്ങര മുൻ ലോക്കൽ സെക്രട്ടറിയുമായ സി.വി.സതീശൻ (66) ആണ് അറസ്റ്റിലായത്.
സതീശൻ എസ്.സി.സി കമ്മ്യൂണിറ്റി സഹകരണ സംഘത്തിന്റെ പ്രസിഡന്റ്‌ ആണ്. അങ്ങനെ പ്രതി പെൺകുട്ടിയുമായി പരിചയത്തിലായി.
പെൺകുട്ടിയുമായും കുടുംബവുമായുള്ള പരിചയം ഇയാൾ ദുരുപയോഗം ചെയ്‌തെന്നാണ് പരാതി. പലതവണ ആക്രമണം ഉണ്ടായെന്നും പരാതിയിൽ പറയുന്നു. സ്‌കൂളിൽ നടന്ന കൗൺസിലിങ്ങിനിടെ പെൺകുട്ടി പീഡനവിവരം വെളിപ്പെടുത്തിയതോടെയാണ് സംഭവം പുറത്തറിയുന്നത്.
സിപിഐ ഇയാളെ പാർട്ടിയിൽ നിന്ന് പുറത്താക്കിയതായി റിപ്പോർട്ടുകൾ പറയുന്നു.
