കണ്ണൂർ: തമിഴ്നാട്ടിലും സ്വിറ്റ്സർലൻഡിലുമായി പ്രവർത്തിച്ചു വരുന്ന സെന്റർ ഫോർ എക്സ്പീരിയൻസിംഗ് സോഷ്യോ കൾച്ചറൽ ഇന്ററാക്ഷൻ(സിഇഎസ്സിഐ) നൽകിയ മികച്ച സാമൂഹ്യ പ്രവർത്തകനുള്ള 2022ലെ മയാ കോനേ ദേശീയ അവാർഡ് രാഷ്ട്രീയ കിസാൻ മഹാ സംഘ് സംസ്ഥാന ചെയർമാനായ അഡ്വ. ബിനോയ് തോമസിന് ലഭിച്ചു.
2008 മുതൽ കേരളത്തിലെ 14 ജില്ലകളിൽനിന്നുമുള്ള മൂന്നുലക്ഷത്തിൽപ്പരം കർഷകരുടെ അപേക്ഷ സ്വീകരിച്ച് കടാശ്വാസ കമ്മീഷനിലെത്തിച്ച് നൽകി ആനുകൂല്യം വാങ്ങിക്കൊടുക്കുകയുണ്ടായി.
ഒന്നാം കർഷക കമ്മീഷൻ ചെയർമാൻ എന്ന നിലയിൽ 53 സ്ഥലത്ത് സിറ്റിംഗ് നടത്തി കർഷകരുടെ പ്രശ്നങ്ങൾക്കുള്ള പരിഹാരങ്ങൾ വിശദമായ റിപ്പോർട്ട് തയാറാക്കി കേന്ദ്ര-സംസ്ഥാന ഗവൺമെന്റുകൾക്ക് സമർപ്പിക്കുകയും ചെയ്തതുൾപ്പെടെ പരിഗണിച്ചാണ് അവാർഡ് സമ്മാനിച്ചത്.
സിഇഎസ്സിഐ ചെയർമാൻ എസ്.സി. ബെഹർ പ്രശംസാപത്രവും, ഡയറക്ടർ മേജർ കുഡേ (സ്വിറ്റ്സർലൻഡ്) മെമെന്റോയും രക്ഷാധികാരി രജനീഷ് കുമാർ കാഷ് അവാർഡും നൽകി.
നേരത്തെ അഡ്വ: ബിനോയ് തോമസ് കണ്ണൂരിൽ മലയോര മേഖലയിൽ താമസിക്കുന്ന ജനങ്ങളുടെ പ്രശ്നങ്ങളും പ്രയാസങ്ങളും മനസിലാക്കി നാടിന്റെ വികസനത്തിന് ഉതകുന്ന തരത്തിലുള്ള പ്രവർത്തനങ്ങൾ നടത്തുകയും അതിനായി മലബാർ വികസന സമിതി രൂപീകരിക്കുകയും ചെയ്തിരുന്നു.
രാഷ്ട്രീയക്കാർ മുതലെടുപ്പിന് വേണ്ടി നാടിനെയും ജനങ്ങളെയും ചൂഷണം ചെയ്ത് ജീവിക്കുന്ന ഈ കാലഘട്ടത്തിൽ തികച്ചും വ്യത്യസ്തമായ പ്രവർത്തന ശൈലിയോടുകൂടി തന്റെതായ വ്യക്തിത്വത്തോടെ കർഷകന്റെയൊപ്പം നിൽക്കുകയും തന്നെകൊണ്ട് കഴിയും വിധം അവർക്കുവേണ്ടത് നേടികൊടുക്കാൻ ശ്രമിക്കുന്ന
ഇവരാണ് യാഥാർത്ത സാമൂഹിക പ്രവർത്തകൻ എന്ന് നമുക്ക് പറയാതെയിരിക്കാൻ കഴിയില്ല. ഇങ്ങനുള്ള പ്രവർത്തകരെയാണ് നമ്മുടെ നാടിനാവശ്യം.