തിരുവനന്തപുരം: കേരളത്തിലെ സാമൂഹിക വിരുദ്ധ പ്രവർത്തനങ്ങൾ തടയുന്നതിന്റെ ഭാഗമായി ഞായറാഴ്ച സംസ്ഥാന വ്യാപകമായി നടത്തിയ റെയ്ഡിൽ 2,507 ഗുണ്ടാസംഘങ്ങളെ കേരള പൊലീസ് പിടികൂടി. പിടിയിലായവരിൽ 300 പേർ ഒളിവിൽ പോയവരാണ്.
‘ഓപ്പറേഷൻ ആഗ്’ എന്ന് പേരിട്ടിരിക്കുന്ന റെയ്ഡ് ശനിയാഴ്ച രാത്രി 11 മണിയോടെയാണ് ആരംഭിച്ചത്.
കേരള ആന്റി സോഷ്യൽ ആക്ടിവിറ്റീസ് പ്രിവൻഷൻ ആക്ട് (കാപ) ലിസ്റ്റിൽ ഉൾപ്പെട്ടവർ, നാടുകടത്തപ്പെട്ട ശേഷം തിരിച്ചെത്തിയവർ, കാപ ചുമത്താൻ തീരുമാനിച്ചിട്ടും ഒളിവിൽ പോയവർ, വാറണ്ട് പ്രതികൾ, മയക്കുമരുന്ന് കച്ചവടക്കാർ തുടങ്ങിയവരെ അറസ്റ്റ് ചെയ്യാനാണ് റെയ്ഡ് പ്രധാനമായും ലക്ഷ്യമിടുന്നത്.
ജാമ്യമില്ലാ വകുപ്പുകൾ പ്രകാരം അറസ്റ്റ് ചെയ്തവരെ റിമാൻഡ് ചെയ്യുകയും മറ്റുള്ളവരെ 24 മണിക്കൂർ പ്രിവന്റീവ് കസ്റ്റഡിയിൽ പാർപ്പിച്ച് കൂടുതൽ വിവരങ്ങൾ ശേഖരിക്കുകയും അതിനുശേഷം വിട്ടയക്കുകയും ചെയ്യും.
ഫെബ്രുവരി 4 മുതൽ 3,501 സ്ഥലങ്ങളിൽ റെയ്ഡ് നടത്തി 1,673 കേസുകൾ രജിസ്റ്റർ ചെയ്ത ശേഷമാണ് അറസ്റ്റ് ചെയ്തതെന്ന് സംസ്ഥാന പോലീസ് മേധാവിയുടെ ഓഫീസ് അറിയിച്ചു.
റിപ്പോർട്ട് പ്രകാരം തിരുവനന്തപുരം നഗരത്തിലും റൂറൽ പരിധിയിലും മാത്രം 333 പേർ അറസ്റ്റിലായി. തൃശൂരിൽ 301, കോഴിക്കോട് 272
കണ്ണൂരിൽ 271, കൊല്ലത്ത് 261, മലപ്പുറത്ത് 159, കൊച്ചിയിൽ 156, പാലക്കാട് 137, പത്തനംതിട്ട 120, കോട്ടയത്ത് 112, കാസർകോട് 85 എന്നിങ്ങനെയാണ് ഗുണ്ടകളെ പിടികൂടിയത്.
ഏറ്റവും കൂടുതൽ കേസുകൾ രജിസ്റ്റർ ചെയ്തിരിക്കുന്നത് കണ്ണൂരിൽ (257), തിരുവനന്തപുരത്ത് (239), തൃശ്ശൂരിലാണ് (214).
പിടികിട്ടാപ്പുള്ളികളിൽ 50 ശതമാനത്തിലേറെപ്പേരും റെയ്ഡിൽ കുടുങ്ങിയിട്ടുണ്ടെന്നാണ് പോലീസ് കണക്കാക്കുന്നത്.
കൂടാതെ, ഭൂരിഭാഗം സാമൂഹിക വിരുദ്ധരും നിരീക്ഷണത്തിലാണെന്ന് ഓപ്പറേഷൻ ഉറപ്പാക്കിയിട്ടുണ്ട്.
വർധിച്ചുവരുന്ന സാമൂഹിക വിരുദ്ധ പ്രവർത്തനങ്ങൾ തടയാൻ കഴിഞ്ഞ വർഷം കേരള പോലീസ് ഓപ്പറേഷൻ കാവൽ ആരംഭിച്ചിരുന്നു. ഇത് പിന്നീട് നിർത്തലാക്കപ്പെട്ടു.
വരും ദിവസങ്ങളിലും ‘ഓപ്പറേഷൻ ആഗ്’ തുടരുമെന്ന് സംസ്ഥാന പോലീസ് മേധാവി അനിൽ കാന്ത് പറഞ്ഞു.
