കാസർകോട്: നാദാപുരത്ത് കാസർകോട് സ്വദേശി മരിച്ച സംഭവത്തിൽ ദുരൂഹത തുടരുന്നു. സംഭവം നടന്ന് ദിവസങ്ങൾ കഴിഞ്ഞിട്ടും മരണം അപകടത്തിൽപ്പെട്ടതാണോ അതോ കൊലപാതകമാണോ എന്ന് സ്ഥിരീകരിക്കാൻ പോലീസിന് കഴിഞ്ഞിട്ടില്ല.
അതേസമയം, മരിച്ചയാളുമായി കാറിൽ യാത്ര ചെയ്ത കണ്ണൂർ സ്വദേശിക്ക് വേണ്ടിയുള്ള തിരച്ചിൽ പോലീസ് ഊർജിതമാക്കി.
ശനിയാഴ്ചയാണ് കാസർകോട് ചെറുവത്തൂർ സ്വദേശി ശ്രീജിത്തിനെ നാദാപുരം നരിക്കാട്ടേരി കനാൽ പാലത്തിന് സമീപം കാർ ഇടിച്ച നിലയിൽ കണ്ടെത്തിയത്. പിറ്റേന്ന് ശ്രീജിത്ത് മരിച്ചു. സിസിടിവി ദൃശ്യങ്ങൾ പരിശോധിച്ചപ്പോൾ അപകടസ്ഥലത്ത് നിന്ന് ഒരാൾ ഓടിപ്പോകുന്നത് പൊലീസ് കണ്ടെത്തി. ഇയാൾ കണ്ണൂർ കേളകം സ്വദേശിയാണെന്ന് പോലീസ് സ്ഥിരീകരിച്ചിട്ടുണ്ട്.
